سازشیں کرنڑ آلے باز نہ آئے تاں نواز شریف چوتھی اتے پنجویں واری وی وزیراعظم بنڑسن
انہاں دے علاوہ کہیں وی رہنما اچ اتنی ہمت کائنی جو اوکہیں وی غیر قانونی اتے غیر آئینی قدم دے سامنڑے دیوار بنڑ تے کھڑا تھی سگے
کمر درد دا بہانہ بنڑا تے گاڈی کوں ہسپتال دے پاسے موڑ سگدے ہن ، عدالتاں توں مفرور تھی تے نتھیا گلی دے سرکاری ریسٹ ہاﺅس میںاچ لک سگدے ہن مگر اساں حساب ڈتا
اظہار یکجہتی کرنڑ سانگے آونڑ آلے کارکناں اتے نیک تمناواں دے پیغامات بھیجنڑ آلیں دا شکریہ ادا کیتا
اسلام آباد ۔ 5 جولائی (اے پی پی) وزیراعظم محمد نواز شریف کی صاحبزادی مریم نواز شریف آکھیا ہے جو وزیراعظم نواز شریف دے خلاف سازش کیتی ونجے تاں او پہلے توں ودھ طاقت دے نال واپس آسن ،سازشاں کرنڑ آلے باز نہ آئے تاں چوتھی تے پنجویں واری وی نواز شریف وزیرا عظم بنڑسن ،نواز شریف کوں روک سگدو تاں روک گھنو نتاں پاکستان توں دہشت گردی دا خاتمہ تھی ویسی ،لوڈشیڈنگ مک ویسی ،سڑکاں دے جال وچھ ویسن ،سی پیک پورا تھی ویسی تے او 2018دا الیکشن جت ویسن ۔عوام نواز شریف دی طاقت ہن او واحد رہنما ہن جیں تے قوم اعتبار کریندی ہے جیرھا نہ جھکسے نہ اپنڑے ووٹ کوں جھکنڑ ڈیسے ،او آئین قنون تے سویلین بالادستی سانگے کھڑے ہن اتے کھڑے رہ ویسن انہاں دے علاوہ کہیں وی رہنما اچ اتنی ہمت کائنی او کہیں غیر قنونی تے غیر آئینی قدم دے سامنڑے دیوار بنڑ تے کھڑا تھی سگے ۔نواز شریف دی دھی کوں کمزور سمجھ گھننڑ آلے انشاءاللہ ایندی طاقت پیسن ۔انہاں ان خیالاں دا اظہار بدھ کوں پانامہ پیپرز کیس دی تحقیقات کرنڑ آلی مشترکہ تحقیقاتی ٹیم ( جے ّآئی ٹی ) اچ پیشی دے بعد فیڈرل جوڈیشل اکیڈمی دے باہروں میڈیا نال گالھ مہاڑ کریندے ہوئیں کیتا ۔ایں موقع تے وزیراعظم دے ڈوہیں صاحبزادیں حسین نواز ،حسن نواز ،وزیر مملکت اطلاعات تے نشریات مریم اورنگزیب ،مسلم لیگ ن دے رہنما تے کارکناں دی وڈی تعداد موجود ہئی ۔مریم نواز شریف ایں موقع تے انہاں دے نال اظہاریکجہتی کرنڑ آلے آونڑ آلے کارکناں سانگے تے نیک تمناواں بھیجنڑ آلے دا شکریہ ادا کریندے ہوئیں آکھیا جو اے حمایت تے جذبہ انہاں کوں ہمیشہ یاد رہ ویسی ۔انہاں آکھیا جو جے آئی ٹی اچ تقریبا ڈو گھنٹے دی پیشی دے دوران انہاں میں توں جیرھا کجھ وی پچھیا میں ایندا جواب ڈتا ،اپنڑے پیو چاچے ،اپنڑے ڈوہیں بھراواں دی پیشی دے بعد با وجود ایندے سپریم کورٹ دے آرڈر اچ میڈا ناں کائناں ہئی اج اتھاں آئی ہاں ۔انہاں آکھیا جو میں تے درخواست گزار الزام لاتے وزیراعظم دے زیر کفالت ہوونڑ دی حیثیت نال ایں انسان دی دھی ہوونڑ دی حیثیت نال جیں ہمیشہ آئین تے قنون دی پاسداری کیتی ہے میں او قرض لہا ڈتم جیرھا میں تے واجب وی کائناں ہئی
