تحریک انصاف دے وکیل الیکشن کمیشن کوں منی ٹریل تے جواب ڈیونڑ تے پرے بھجدے پے ہن،دانیال عزیز

اسلام آباد ۔ 10 جولائی (اے پی پی) مسلم لیگ (ن) دے رہنما دانیال عزیز آکھیا ہے جو چیف الیکشن کمشنر پاکستان تحریک انصاف دے وکیل کوں آکھیا جو اج تساں دا آخری موقع ہئی جو تساں اپنڑی پارٹی دی فارن فنڈنگ دے کیس جمع کراون تے منی ٹریل ڈیون جیں تے انہاں دے وکیل آکھیا جو او ایندا جواب ڈیونڑ دے مجاز کائنی ۔الیکشن کمیشن دے باہروں میڈیا نال گالھ مہاڑ کریندے ہوئیں دانیا عزیز آکھیا جو عمران خان بہانے بنڑا تے سپریم کورٹ تے الیکشن کمیشن کوں جواب ڈیونڑ تے پرے بھجدے پے ہن اتے مہلت منگدے پن ۔انہاں آکھیا جو اساکوںنظر آندا پیا ہے جو پی ٹی آئی گلگت تے کراچی دے ضمنی الیکشن اچ تلوں فرسٹ آئی ہے ۔انہاںآکھیا جو عمران خان دا کردار پوری قوم دے سامنڑے ہے اے نویں پاکستان دی خوشبو کائنی بلکہ پرانڑیں پاکستان دا چھیکڑی حربہ ہن ۔انہاں آکھیا جو عمران خان اشتہاری ہن ،وزیراعظم نواز شریف دا ناں پانامہ پیپرز اچ کائنی ولاوی انہاںکوں عدالت اچ سڈیا ویندا پیا ہے ۔