اسلام آباد ۔ 5 جولائی (اے پی پی) مسلم لیگ (ن )دےرہنما دانیال عزیز آکھیا ہے جو تحریک انصاف عدالت اچ ہک وی ثبوت پیش نی کر سگی ،ہنڑ عمران خان کوں پوری قوم توں ہتھ بدھ تے معافی منگ گھننڑیں چاہیدی ہے ۔بدھ کوںفیڈرل جوڈیشل اکیڈمی دے باہروں میڈیا نال گالھ مہاڑ کریندے ہوئیں انہاں آکھیا جو حسین نواز اتے مریم نواز دے ماضی دے بیانات کوں تروڑ مروڑ تے پیش کیتا گیا انہاں دے انٹر ویو دے ٹکڑے جوڑ تے وزیر اعظم دے خاندان کوں بدنام کرنڑ تے اے ثابت کرنڑ دی کوشش کیتی گی جو وزیراعظم دے بالاں دے بیان اچ تضاد ہے لیکن اساںدے ثابت کر ڈتا جو شریف خاندان دے بیان اچ تضاد کائنی ۔دانیا ل عزیز آکھیا جو مریم نواز دے خلاف سوشل میڈیا تے مہم چلا تے سازش کیتی ویندی پئی ہے ۔ایںموقع تے مسلم لیگ ن دے کارکناں مریم نواز دی حمایت اچ نعرے بازی کیتی
