اسلام آباد ۔ 21 جولائی (اے پی پی) سپریم کورٹ پانامہ دستاویزات عملدرآمد کیس اچ سماعت پوری تھیونڑ توںبعد جمعے کوں فیصلہ محفوظ کر گھدا۔ جسٹس اعجاز افضل دی سربراہی اچ سپریم کورٹ دے ترائے رکنی عملدرآمدی بینچ کیس دی سماعت کیتی ۔ وزیر اعظم دے بالیںولوں سلمان اکرم راجہ تے وزیر خزانہ اسحاق ڈار ولوں طارق حسن آپنڑیں دلائل پیش کیتے ، وزیر اعظم ولوں خواجہ حارث دلائل ڈتے جڈانجو پاکستان تحریک انصاف دے وکیل نعیم بخاری ، جماعت اسلامی دے وکیل توفیق آصف ، عوامی مسلم لیگ دے سربراہ شیخ رشید احمد جواب الجواب پیش کیتے۔ ایڈیشنل اٹارنی جنرل رانا وقار اتے نیب ولوں اکبر تارڑ وی آپنڑاں آپنڑاں موقف پیش کیتا۔
