اسلام آباد ۔ 21 جولائی (اے پی پی) صدرمملکت ممنون حسین سید طاہر شہباز توں وفاقی محتسب دی حیثیت نال انہاں دے عہدے دا حلف گھدا ۔حلف برداری دی تقریب جمعے کوں ایوان صدراچ تھی ۔ تقریب اچ سینئر سول افسراں، دانشوراں اتے مختلف شعبہ ہائے زندگی نال تعلق رکھنڑ آلے لوکاں شرکت کیتی ۔بعد اچ وفاقی محتسب سید طاہر شہباز صدر مملکت نال ملاقات کیتی ۔صدر ممنون حسین وفاقی محتسب دی حیثیت نال تقرری تے انہاں کوں مبارخ ڈیندے ہوئیں نویاں ذمے واریاں دی انجام دہی سانگے نیک خواہشات دا اظہار کیتا ۔صدر آکھیا جو وفاقی محتسب دے ادارے کوں عام آدمی کوں وختی ریلیف فراہم کرنڑ تے انسانیت دی خدمت سانگے اپنڑیاں کوششاں اچ ودھارا کرنڑاں چاہیدا ہے ۔حلف برداری دی تقریب دی کاروائی قومی زبان اچ تھی ۔
