صدر مملکت ممنون حسین دی پرنس کریم آغا خان کوں انہاں دی اسماعیلی برادری دی امامت دی گولڈن جوبلی پوری تھیونڑ تے مبارکباد

اسلام آباد ۔ 11 جولائی (اے پی پی) صدر مملکت ممنون حسین دی پرنس کریم آغا خان کوں انہاں دی اسماعیلی برادری دی امامت دی گولڈن جوبلی پوری تھیونڑ تے مبارکباد ڈتی اے۔منگل کوں ایوان صدر ولوں جاری پریس ریلیز دے مطابق صدر مملکت آکھیا جو پائیدار ترقی سانگے پاکستان انہاں کوں آپنڑاں ہک عظیم دوست اتے حامی سمجھدے ۔صدرمملکت پاکستان اچ معاشرتی،ثقافتی اتے اقتصادی ترقیاتی منصوبیاں بارے پرنس آغا خان دے کردار دی تعریف کریندیں ہوئیں آکھیا جو انہاں دی رہنمائی اتے دور اندیش قیادت اچ آغا خان ڈویلپمنٹ پاروں پاکستان اچ تعلیم ،صحت،دیہی ترقی اتے غریبی اچ خاتمہ دے کئی اہم منصوبیاں تے شاندار ترقیاتی کم تھےے۔انہاں ایں عزم دا اعادہ کیتا جو انہاں نیک مقاصد اچ پاکستان دا تعاون جاری رہسی۔