اسلام آباد ۔ یکم جولائی (اے پی پی)صدر مملکت ممنون حسین نال قومی کرکٹ ٹیم دے کپتان سرفراز احمد کراچی اچ ملاقات کیتی ہے۔ قومی کرکٹ ٹیم کوں چیمپئنز ٹرافی اچ تریخی فتح اُتے مبارخ ڈیندے ہوئیں صدر مملکت آکھیا جو کپتان سرفراز احمد اتے انہاں ڈی ٹیم محنت نال اے شاندار کامیابی حاصل کیتی۔ انہاں آکھیا جو سرفراز احمد دی کپتانی اچ پاکستان دا کرکٹ دا سنہری دور واپس آندا پئے ۔ صدرمملکت قومی کرکٹ ٹیم اتے کپتان سرفراز احمددے جذبے دی تعریف کریندے ہوئیں ایں یقین دا اظہار کیتا جو انہاں دی قیادت اچ کرکٹ دے میدان اچ کامیابیاں دا سلسلہ جاری راہسی ۔
