اسلام آباد ۔ 20 جولائی (اے پی پی)مسلم لیگ ن دے رہنما دانیال عزیز آکھیا ہے جو وزیر اعظم دے بالاں دستا ویزات جمع کراڈتیاں ہن ،جے آئی ٹی رپورٹ اچ مشینری دی منتقلی بارے اچ غلط بیانی کیتی گی ہے ،دستا ویزات سامنڑے آونڑ دے بعد ثابت تھی گیا ہے جو مشینر ی جدہ گی ہئی۔انہاں دا آکھنڑ ہئی جو جے آئی ٹی کوں عزیزیہ مل دے پیسے ہی کائنی ملیے ،ہنڑ وزیر اعظم دے بالاں ولوں جمع کرائی گی دستا ویزات اچ ثابت تھی گیا ہے جو63 ملین اکاونٹ اچ جمع ہن۔انہاں آکھیا جو اج عدالت آکھیا ہے جو وزیراعظم دے بالاں دے خلاف کوئی الزام کائنی ۔سپریم کورٹ دے باہروں میڈیا نال گالھ مہاڑ کریندے ہوئیں انہاں دا آکھنڑ ہئی جو جے آئی ٹی جیرھا جو نا قابل سماعت ثبوت فراہم کیتے ہن اج دستاویزات جمع کراتے انہاںکوں مسمار کر ڈتا گیا ہے ۔انہاں آکھیا جو آئی سی آئی جے پہلے ہی آکھ ڈتا ہے جو ناں آونڑ دا اے مطلب کائنی جو انہاں کوں غلط کم کیتا ہے ہنڑ عدالت وی آکھیا ہے جو وزیراعظم دے بالاں کوئی غلط کم کائنی کیتا ۔دانیال عزیز آکھیا جواے کیس چلا تے میڈیا وار کیتی ویندی پئی ہے تاں جو 2018دے انتخابات تئیں ن لیگ دی قیادت دیاں دھجیاں اڈایاں ونجن ۔انہاںآکھیا جو پچھلے دور حکومت اچ پیپلز پارٹی کوں عوام نظریں اچ ڈھاڈتا ایں طرح ہنڑ وی اے کوشش کیتی گی جو ن لیگ دے نال وی اینویں کیتا ونجے انہاںکوں عوام دیاں نظراں اچ ڈھا ڈتا ونجے لیکن اینویں کائنی تھی سگیا۔
