اسلام آباد ۔ 3 جولائی (اے پی پی) وزیر اعظم دے معاون خصوصی آصف کرمانی آکھیا ہے جو قطر دے شہزادے دا بیان ریکارڈ تھیونڑ تئیں پاناما کیس دی تحقیقات کرنڑ آلی جے آئی ٹی دی رپورٹ پوری کائناں تھیسی۔شہزادے دا بیان ریکارڈ کرنڑ سانگے جے آئی ٹی کوںقطر ونجنڑاں چاہیدا ہے۔وزیر اعظم دے پتر حسن نواز دی پیشی دے دوران فیڈ رل جو ڈیشل اکیڈمی دے باہروںمیڈ یانال گالھ مہاڑ کریندے ہوئیں انہاںآکھیا جو شریف خاندان توں جیرھے کاغذات منگیے گے ہن انہاںدی تصدیق شدہ کاپیاں سپریم کورٹ اچ جمع کرا ڈتیاںہن لیکن ہنڑ جے آئی ٹی وی اوہا دستاویزات منگیاں ہن حالانکہ اے سپریم کورٹ توںمل سگدیاں ہن۔ آصف کرمانی آکھیا جو قطر دے شہزادے خط بھیجا اتے تصدیق کیتی ایندے بعد جے آئی ٹی قطر ونج تے شہزادے دا بیان ریکارڈ کرنڑ تے سوچ بچار کیتی ،ایڈے قطر دے شہزادے وی خط لکھ تے آکھیا جو تساں گالھ کرنڑ سانگے آ ونجولیکن ایں پاسے ہنڑ تئیں کوئی پیش رفت کائنی تھی۔انہاں آکھیا جو جے آئی ٹی دی رپورٹ ایں ویلھے تئیں پوری کائناں تھیسی جڈاں تئیں قطر دے شہزادے دا بیان ریکارڈ دا حصہ نی بنڑویندا نتاںاساڈے تحفظات ودھ ویسن ۔
