اسلام آباد ۔ 29جولائی (اے پی پی) بدعنوانی ساریاں برائیاں دا منڈھ ہے ، قومی احتساب بیورو معاشرے توں بدعنوانی دے خاتمے اتے شفافیت دے ودھارے سانگے پر عزم ہے، نیب بدعنوانی دا خاتمے دیاں ذمے واریاں کوں بطور قومی فرض ادا کر یندا پیا ہے ۔ قومی احتساب بیورو (نیب) دے چیئرمین قمر زمان چوہدری توں اوپن گورنمنٹ پاٹنرشپ (او جی پی) دے وفد چیف ایگزیکٹو آفیسر جوزف پاول دی سربراہی اچ اتھاں نیب ہیڈ کوارٹر اچ ملاقات کیتی ہے ۔ نیب توں جاری بیان دے مطابق ملاقات دے دوران چیئرمین نیب کو ں ڈسایا گیا جو او او پی جی کثیر الشراکتی فورم ہے جیرھا جو حکومتاں دی کارکردگی اچ شفافیت ، احتساب اتے شہریوں دے احساس ذمہ داری دے ودھارے سانگے سر گرم عمل ہے ۔جیں دا بنیادی مقصد خدمات دے معیار دی بہتری اتے غربت دا خاتمہ ہے ۔
