اسلام آباد ۔ 2 جولائی (اے پی پی) وزیر خزانہ سینیٹر محمد اسحاق ڈار آکھے جو مالی سال 2017-18ء دا بجٹ عام آدمی دی فلاح وبہبود اتے سہولتاں اچ ودھارے کوں سامنڑیں رکھ تے ترتیب ڈتا گئے ۔ وزارت خزانہ اچ اتوار کوں ہک اجلاس بجٹ اچ عمل درآمد دے اقدامات دا جائزہ گھدا گیا۔ ایں موقعے تے سیکرٹری خزانہ مالی سال 2017-18ء دے بجٹ اُتے عمل درآمد بارے وفاقی وزیر کوں ڈسایا۔ وفاقی وزیر کوں ڈسایا گیا جو ایں بارے زیادہ تر کم پورا کر گھدا گئے ۔ وزیر خزانہ وزارت خزانہ دے حکام کوں ہدایت کیتی جو بجٹ اُتے عملدرآمد سانگے لازمی اقدامات کیتے ونجن۔ انہاں سیکرٹری خزانہ کوں ہدایت کیتی جو ایں مالی سال 2017-18ء اچ وی مالیاتی نظم وضبط کوں جاری رکھیا ونجے ۔ اجلاس اچ سیکرٹری اقتصادی ڈویژن سمیت وزارت خزانہ دے اعلیٰ حکام شرکت کیتی۔
