اساں عدالت دے فیصلے تے من و عن عمل کیتا ہے، ایں فیصلے کوں نہ پاکستان دے عوام قبول کیتا نہ عالمی سطح تے قبول کیتا گیا ، قانون دے مطابق کہیں کوں اقامہ تے نااہل کائنی کیتا ونج سگدا، چوہدری نثار علی خان پارٹی دے اہم رہنماءہن تے رہ ویسن ، محمد نواز شریف دے ایجنڈے کو ںاگی تے ودھیسوں،الزام لاونڑ آلے اپنڑے گریبان اچ ڈیکھن ،کابینہ دا فیصلہ حالی کائنی تھیا مشورے نال تھیسی
اسلام آباد ۔ 30 جولائی (اے پی پی) نویں قائد ایوان سانگے مسلم لیگ(ن) دے نامزد امیدوار شاہد خاقان عباسی آکھیا ہے جو اساں عدالت دے فیصلے تے من و عن عمل کیتا ہے، ایں فیصلے کوں نہ پاکستان دے عوام قبول کیتا نہ عالمی سطح تے قبول کیتا گیانہ ہی تاریخ اینکوں قبول کریسی ،چوہدری نثار علی خان پارٹی دے اہم رہنماءہن تے رہ ویسن ، محمد نواز شریف دے ایجنڈے کو ںاگی تے ودھیسوں۔اتوار کوں شاہد خاقان عباسی جمعیت علماءاسلام ( ف)دے سربراہ مولانا فضل الرحمن نال انہاں دی رہائش گا ہ تے ملاقات کیتی تے انہاں توں وزارت عظمی دے انتخاب اچ حمایت دی استدعا کیتی ،ایں موقع تے انہاں دے نال جنید انوار چوہدری اتے قیصر احمد شیخ وی ہن ۔ بعد اچ میڈیا نال گالھ مہاڑ کریندے ہوئیں شاہد خاقان عباسی آکھیا جو جمیعت علمائے اسلام (ف) توں امید ہے ماضی وانگوں مولانا فضل الرحمن ملک دی بہتری سانگے محمد نواز شریف دیاں پالیسیاں دے تسلسل اچ مدد کریسن،انہاں آکھیا جو میں 30سال توں سیاست دے میدان اچ ہاں،میڈے حلقے دے عوام ہمیشہ ساتھ ڈتا جیں تے انہاں دا شکر گزار ہاں میڈے مخالف ہک نی ڈاہ ریفرنس دائر کرن میں ڈردا کائنی ، میڈے اثاثے گزٹ آف پاکستان اچ شائع شدہ ہن ،کوئی لکیا ہویا کائنی الزام لاونڑ آلے اپنڑے گریبان اچ ڈیکھن ہک سوال دے جواب اچ انہاں آکھیا جو قانون اچ اقامہ رکھنڑ کوئی جرم کائنی،اہک سوال دے جواب اچ انہاں آکھیا جو کابینہ دا فیصلہ حالی کائنی تھیا مشورے نال تھیسی انہاں آکھیا جو اعجاز الحق نال میڈی گالھ تھی ہے انہاں توں گزریل 48سال دا تعلق ہے انہاں آکھیا جو میڈے گھر آونڑ دی ضرورت کائنی انہاں آکھیا جو جیرھیاں جماعتاں بارے میں سمجھداں جو او اساڈیاں حلیف تھی سگدیاں ہن انہاں نال رابطہ کریسوں ۔ مولانا فضل الرحمان آکھیا جو شاہد خاقان عباسی اساڈے پرانڑیں ساتھی ہن او چنگے مزاج دے مالک ہن اپنڑے عہدے توں سبکدوش تھیونڑ دے بعد بعد نواز شریف اتے مسلم لیگ(ن) اپنڑے مستقبل سانگے فیصلے کرنڑے ہن ، ابتدائی فیصلہ ایہو کیتا گیا ہے جوشاہد خاقان عباسی وزرات عظمی دے امیدوار نامزد کیتے گے ہن انہاں آکھیا جو سیاستداناں دی خوبی اے ہوندی ہے جو او پچھی تے مڑنڑ دی بجائے اگی تے ویندے ہن انہاں دی آونڑ آلے حالات تے نظر ہوندی ہے ۔
