اسلام آباد ۔ 28 جولائی (اے پی پی) پاکستان مسلم لیگ(ن) دے رہنما اتے رکن قومی اسمبلی زاہد حامد آکھیا ہے جو درختاں دے بغیر عالمی حدت پاروں رونما تھیونڑ آلی موسمیاتی تبدیلی دے منفی ماحولیاتی ، معاشی اتے سماجی اثرات نال نبڑنڑ ممکن کائنی۔ تاں جو انہاں اثرات نال نبڑنڑ سانگے اساکوں ہر حال اچ جنگلات تے رقبے اچ ودھارا کرنڑ نا گزیر ہے ۔ وفاقی دارالحکومت اچ واقع روز ائنڈ جسمین پارک اچ مون سون شجرکاری مہم دے حوالے نال منعقدہ تقریب توں جمعے کوں خطاب کریند ے ہوئیں آکھیا جو پاکستان دے کل رقبے دا صرف پنج فیصد حصہ جنگلات ہن جیرھا جو بین الاقوامی معیار دے مطابق 25%ہوونڑاں چاہیدا ہے۔ ایں سانگے ضروری ہے جو اساں صرف موجودہ جنگلات دی حفاظت کروں بلکہ پورے ملک اچ بھر پور شجرکاری کروں۔وفاقی وزارت دے میڈیا ترجمان محمد سلیم شیخ میڈیا کوں ڈسایا جو وفاقی وزیر زاہد حامد تقریب دے شرکاتوں خطاب اچ آکھیا جو ملک اچ ہر سال ڈو واری شجر کاری چلائی ویندی ہے جیرھا جو بہار تے مون سون دے موسماں دے دوران سارے صوبائی جنگلات دے نال منعقد کیتی ویندی ہے ۔جیں دا مقصد ملک اچ جنگلات دے رقبے اچ ودھارا کرنڑ ہے ۔
