اسلام آباد ۔ 22جولائی (اے پی پی)نویں انتخابی قنون 2017اچ ملک اچ حلقیاں اچ ووٹراں دا تناسب 10فیصد توں ودھ نہ رکھنڑ دی تجویز ڈتی گئی ہے ، ایں ویلھے قومی اتے صوبائی اسمبلیاں دیاں کجھ نشستاں اُتے لکھاں ووٹاں دا فرق ہے نویں قنون دے بعد ایں کوں مکایا ویسی ۔ انتخابی اصلاحات کمیٹی ولوں منظور کیتے گئے انتخابی بل اچ تجویز کیتا گئے جو ہک حلقے توں ڈوجھے حلقے اچ ووٹاں دا فرق ڈھافیصد توں ودھ کائناں ہوسی ۔ نویں قنون اچ حد بندی دے باب اچ آکھیا گئے جو آبادی دے حساب نال اسمبلی دے کہیں ہک حلقے توں ڈوجھے حلقے دے ووٹاں اچ ڈھا فیصد توں ودھ دا فرق کائناں ہوسی ۔ جڈانجو حلقہ بندیاں وی ہر مردم شماری دے بعد نویں سرے توں جاری کیتیاں ویندن ۔ ایں توں پہلے قومی اسمبلی دی کجھ نشستاں تے لکھاں ووٹاں دا فرق وی ہے ۔ شہری علاقیاںدے حلقے اچ ودھ توں ودھ ووٹ رکھنڑ دا اے سلسلہ مُک ویسی ۔
