وزیراعظم تے کرپشن دا کوئی الزام کائنی، سپریم کورٹ اچ کیس لڑسوں، شاہد خاقان عباسی

اسلام آباد ۔ 13 جولائی (اے پی پی) وفاقی وزیر پٹرولیم شاہد خاقان عباسی آکھیا ہے جو وزیراعظم تے کرپشن دا کوئی الزام کائنی، سپریم کورٹ اچ کیس لڑسوں۔ ہک انٹرویو اچ انہاں آکھیا جووزیراعظم تے کرپشن دا کوئی الزام کائنی۔ جے آئی ٹی توں وزیراعظم نواز شریف دے آکھنڑ تے تعاون کیتا گیا جیں توں تفتیش دا عمل پورا کیتا گیا ایندے نال کافی سارے شک تے شبہات پیدا تھے ہن ۔ شاہد خاقان عباسی آکھیاجو جے آئی ٹی دی رپورٹ آونڑ دے بعد اے اساڈا حق ہے جو اساں ایں رپورٹ دی ہر شق تے سوال چاووں اساڈا واضح دعویٰ ہے جو اے رپورٹ حقائق تے مبنی کائنی۔ انہاں آکھیا جو اے رپورٹ غلط ہے اتے ایندے اچ حقائق کوں گول مول پیش کیتا گیا ہے ۔