دوشنبے۔ 5 جولائی (اے پی پی)وزیراعظم محمد نواز شریف اتے تاجکستان دے صدر امام علی رحمانوف بدھ کوں اتھاں ون ٹو ون ملاقات کیتی اتے تجارت،توانائی اتے دفاع دے شعبیاں اچ ڈوہیں ملکاں وچال قریبی اشتراک کار دی لوڑھ تے زور ڈتا۔پیلس آف دی نیشن اچ تھیونڑ آلی ملاقات اچ ڈوہیں رہنماﺅاں ڈو پاسہ قریبی سیاسی رابطیاں کوں سٹریٹجک تعاون اچ ڈھالنڑ تے زور ڈتا۔صدر اتے وزیراعظم ایں امر تے اطمینان دا اظہار کیتاجو پاکستان اتے تاجکستان آپنڑی دوستی دے 25سال منیندے پئن ۔۔ وزیراعظم ’ شنگھائی تعاون تنظیم دی رکنیت دے حصول اچ پاکستان دی معاونت کرنڑ تے تاجک صدر دا شکریہ ادا کریندیں ہوئیں آکھیا جو پاکستان صدر امام علی رحمانوف دی قیادت اچ تھیونڑ آلی سماجی تے اقتصادی ترقی کوں سراہیندے۔انہاں آکھیا جو مختلف شعبیاں اچ پاکستان اتے تاجکستان وچال تعاون دے بہوں موقع موجود ہن جڈانجو ڈو پاسہ تجارتی حجم کوں 500ملین ڈالر تئیں ودھاونڑ دی لوڑھ اے۔انہاں آکھیا جو پاکستان 2017ءاچ بزنس فورم دے علاوہ 2015ءاچ دوشنبے اچ ترائے تجارتی نمائشاں دا انعقاد کیتے۔
