اسلام آباد۔ 3 جولائی (اے پی پی) وزیراعظم محمد نواز شریف آکھیا جو پاکستان اتے امریکہ وچال پائیدار اتے مضبوط شراکت داری خطہ اتے اوں توں باہر درپیش مختلف چیلنجاں نال نبڑنڑ سانگے ضروری اے۔اے گالھ انہاں امریکی سینٹ دے پنج رکنی وفد نال گالھ مہاڑ کریندیں ہوئیں آکھی جئیں چیئرمین سینٹ آرمڈ سروسز کمیٹی سینیٹر جان مکین دی سربراہی اچ سنوار کوں انہاں نال ملاقات کیتی۔وفد اچ سینیٹرز لنڈزے گراہم (ریپبلکن)، الزبتھ وارن (ڈیموکریٹک)، شیلڈن وائٹ ہاﺅس (ڈیمو کریٹ) اتے ڈیوڈ پرڈو (ریپبلکن) شامل ہن۔ وزیراعظم محمد نواز شریف دی معاونت وزیر خزانہ سینیٹر اسحاق ڈار، وزیراعظم دے مشیر برائے خارجہ امور سرتاج عزیز، قومی سلامتی دے مشیر لیفٹیننٹ جنرل (ر) ناصر خان جنجوعہ اتے بئے سینئر حکام کیتی۔وزیراعظم محمد نواز شریف ڈوہیں ایواناں دے ارکان تے مشتمل اعلیٰ سطحی وفد دا خیر مقدم کریندیں ہوئیں آکھیا جوطویل المدتی اتے سٹریٹجک اتحادی ہوونڑ دی حیثےت نال پاکستان اتے امریکہ وچال پائیدار اتے مضبوط شراکت داری خطہ اتے اوں توں باہر درپیش مختلف چیلنجاں نال نبڑنڑ سانگے ضروری اے۔
