سیالکوٹ۔ 19 جولائی (اے پی پی) وزیراعظم محمد نواز شریف آکھیا جو اساں قوم دے سامنڑے سرخرو تھیسوں،اساں کوں حساب ڈیونڑ دی بجائے اساں توں حساب منگیا ویندا پئے ،اگر چار سال منفی سیاست نہ تھیندی تاں اج پاکستان ترقیاں دی اُچائیاں تے ہوندا،تماشہ لاونڑ آلیاں 2013ءتوں ای اے کم شروع کر ڈتا ہئی ،ترائے واری وزارت عظمیٰ اتے ڈو واری وزیر اعلیٰ دا عہدہ رکھنڑ دے باوجود اللہ دا شکر اے اساڈے اُتے ہک پائی دی کرپشن دا الزام کائنی،استعفیٰ منگنڑ آلیاں کوں قوم ولا ولا ٹھکرائے ،اے پاکستان کوں استحکام آلی پاسے ویندا نی ڈیکھ سگدے۔2018ءاچ ملک توں لوڈ شیڈنگ دا پوراخاتمہ تھی ویسی ،طرح طرح دے لوک بین وجیندے ودن اتے انہاں دا ہدف نواز شریف اے۔نواز شریف کوں ووٹ دی طاقت نال نہ ہٹا سگنڑ آلے لوک ہنڑ تماشہ لیندے پئن ،آپنڑے مقاصد توں پچھوں کائنا ہٹسوں۔بدھ کوں سیالکوٹ چیمبر آف کامرس اینڈانڈسٹری اچ کاروباری شخصیات نال ملاقات وچ انہاں آکھیا جو او لاہور،سیالکوٹ موٹروے اتے کم دا جائزہ گھنڑ سانگے آئے جڈانجو لاہور،ملتان موٹروے وی ڈیکھنڑ ی اے۔انہاں آکھیا جو ملک اچ موٹرویز تکھے بنڑدی پئین جیڑھی جو کراچی تئیں ویسن،کراچی حیدر آباد موٹروے دا افتتاح 14اگست کوں تھیسی۔ایں دے سکھر،ملتان سیکشن دا کنٹریکٹ جلدی ڈتا ویندا پئے ،نلوچستان اچ وی شاہراتی نیٹ ورک اتے انفراسٹرکچر بنڑدا پئے ۔ترقیاتی منصوبیاں تے کم جاری اے۔گوادر توں خنجراب 2400کلومیٹر نویں سڑکاں بنڑدیاں پئین ،کاشتکاراں سانگے وڈا پروگرام شروع کیتا گئے ۔
