وزیراعظم محمد نواز شریف دی قومی ایئرپورٹس استعمال کرنڑ آلے مسافراں سانگے خدمات دی فراہمی کوںوختی چنگاں بنڑاونڑ دی ہدایت

اسلام آباد ۔ 21 جولائی (اے پی پی) وزیراعظم محمد نواز شریف قومی ایئرپورٹس استعمال کرنڑ آلے مسافراں سانگے خدمات دی فراہمی کوں وختی چنگاں بنڑاونڑ دی ہدایت کیتی ہے ۔ جمعے کوں اتھاں سول ایوی ایشن توں متعلقہ امور دے بارے اچ منعقدہ اجلاس دی صدارت کریندے ہوئیں وزیر اعظم محمد نواز شریف آکھیا ہے جو پاکستان دے قومی ایئرپورٹس تے مسافراں کوں دنیا دے ا ہم بین الاقوامی ایئر پورٹس دی طرح سہولتاں ڈتیاںونجن ۔ وزیر اعظم دے مشیر ایوی ایشن سردار مہتاب احمد خان اتے ڈائریکٹر جنرل سول ایوی ایشن اتھارٹی وزیر اعظم کوں نویں اسلام آباد ایئر پورٹ سمیت مختلف جاری منصوبیں بارے اچ ڈسایا۔ وزیر اعظم ہدایت کیتی جو انہاں منصوبیں کوںوختی مقررہ مدت دے اندر پورا کیتا ونجے تے کم دے معیار تے سمجھوتہ نہ کیتا ونجے ۔وزیراعظم سارے منصوبیں اچ ہر ممکن شفافیت کوں یقینی بنڑاونڑ دی ہدایت کیتی ۔