متعلقہ حکام کوں حملے اچ زخمی تھیونڑ آلے لوکاں کوں ہر ممکن تے بہترین طبی سہولتاں دی فراہمی دی ہدایت
اسلام آباد ۔ 10 جولائی (اے پی پی) وزیراعظم محمد نواز شریف سنوار کوں چمن اچ پولیس قافلے تے دہشت گرداں دے حملے دی ودھ ساری مذمت کیتی ہے جیں اچ ڈی پی او چمن شہید تھی گن ۔ وزیراعظم حملے اچ قیمتی جاناں دے ضیان تے ودھ سارے ڈکھ تے افسوس دا اظہار کریندے ہوئیں دعا کیتی ہے جو اﷲ سئیں مرحوماں کوں اپنڑی جوار رحمت اچ جاہ ڈیوے تے ڈکھی ٹبر کوں اے ڈکھ برداشت کرنڑ دا حوصلہ ڈیوے ۔ وزیراعظم متعلقہ حکام کوں حملے اچ زخمی تھیونڑ آلے لوکاں کوں ہر ممکنہ بہترین طبی سہولتاں دی فراہمی دی ہدایت اتے انہاں دی وختی چنگی صحت سانگے دعا کیتی ۔
