وزیراعظم محمد نواز شریف صدرامام علی رحمانوف دی دعوت تے تاجکستان دے 2 ڈینھ دے سرکاری دورے تے روانہ

BERLIN, GERMANY - NOVEMBER 11: Pakistani Prime Minister Nawaz Sharif arrives at the Chancellery to meet with German Chancellor Angela Merkel on November 11, 2014 in Berlin, Germany. Sharif is on a two-day official visit to Germany. (Photo by Sean Gallup/Getty Images)

اسلام آباد ۔ 5جولائی (اے پی پی) وزیراعظم محمد نواز شریف صدر امام علی رحمانوف دی دعوت تے بدھ دی سویل تاجکستان دے 2 ڈینھ دے سرکاری دورے تے روانہ تھی گن، اعلیٰ سطح دا وفد وی وزیراعظم دے نال ہے۔ پاکستان اتے تاجکستان وچال نیڑے تعاون تے مبنی تعلقات استوار ہن جیرھے جو سانجھی تاریخ ، ثقافت اتے عقیدے نال عبارت ہن۔ ڈوہیں ملکاں خطے اچ امن امن، استحکام اتے ترقی سانگے ہکو جہی سوچ رکھیندے ہن جڈاں جو ڈوہیں ملکاں دا اہم علاقائی اتے عالمی امور تے وی ہکو موقف ہے۔ پاکستان انہاں کجھ ملکاں اچوں ہک ہے جنہاں تاجکستان دی آزادی کوں تسلیم کریندے ہوئیں سفارتی تعلقات استوار کیتے تے دوشنبے اچ اپنڑاں ریذیڈنٹ مشن کھولیا۔ وزیراعظم دا تاجکستان دا دورہ ہمسایہ اتے علاقائی ملکاں دے نال پاکستان تے مضبوط تعلقات تے علاقائی رابطے دے ودھارے سانگے وژن داعکاس ہے ۔دوشبنے اچ ڈوہیں ملکاں دے رہنما تجارت تے سرمایہ کاری ،توانائی تعاون تے علاقائی رابطے سمیت ڈو طرفہ تعلقات اقتصادی تعاون تے گالھ مہاڑ کریسن ۔او پاکستان دی پر امن ہمسائیگی دی پالیسی تے خصوصی توجہ رکھے ہوئے سانجھی دلچسپی دے علاقائی تے عالمی امورتے گالھ مہاڑ کریسن ۔تاجکستان ”کاسا 1000“ دے رکن ملکاںافغانستان، کرغزستان، پاکستان اتے تاجکستان دے چار جہتی سربراہ اجلاس دی میزبانی وی کریندا پیا ہے ۔ ایں منصوبہ دا مقصد توانائی راہداری دا قیام اتے تاجکستان، افغانستان اتے پاکستان وچال زمینی رابطے استوار کرنڑ ہے اے پاکستان اتے افغانستان کو تاجکستان اتے ازبکستان اچ پیدا تھیونڑ آلی بجلی وی فراہم کریسی۔ دورہ دے موقع تے سانجھی دلچسپی دے علاقائی موضوعات تے تبادلہ خیال سانگے پاکستان، افغانستان اتے تاجکستان وچال سہ جہتی سربراہ اجلاس وی منعقد تھیونڑ طے ہے۔