وزیراعظم محمد نواز شریف گورنر خیبرپختونخوا کو ںپارا چنار دہشت گرد حملے دے متاثرین اچ معاوضیاں دے چیک ونڈنڑ دا کم ذمے لاء ڈتے

اسلام آباد ۔ 2 جولائی (اے پی پی) وزیراعظم محمد نواز شریف گورنر خیبرپختونخوا اقبال ظفر جھگڑا کوں پارا چنار دہشت گرد حملے دے متاثرین اچ معاوضیاں دے چیک ونڈنڑ دا کم ذمے لاء ڈتے ۔ وزیراعظم ہائوس ولوں جاری ہک بیان دے مطابق وزیراعظم گورنر کے پی کے کوں آکھیا جو او متاثرین وچال امدادی پیکج دے عمل درآمد دی نگرانی کرن۔ انہاں گورنر اقبال ظفر جھگڑا کوں آکھیا جو او پارا چنار دے متاثرین نال ملاقات کرن اتے تجویز اں وزیراعظم کوں پیش کرن۔ وزیراعظم آکھیا جو پاکستان دے عوام بشمول پارا چنار دے لوک دہشتگردی کوں مکاونڑ کیتے بہوں ودھ قربانیاں ڈے چُکے ہن ۔ انہاں آکھیا جو دہشتگردی اتے انتہا پسندی دے خلاف عوام دیاں قربانیاں رائیگاں کائناں ویسن ۔ انہاں آکھیا جو پاکستان دی یکجہتی، ا تحاد اتے ترقی دے دشمناں کوں ہار نصیب تھیسی ۔ وزیراعظم گورنر کے پی کے کوں اے وی ہدایت کیتی جو پارا چنار دہشت گردی سانحہ دے متاثرین دی مکمل ڈیکھ بھال کیتی ونجے ۔