اسلام آباد ۔ 18 جولائی (اے پی پی) وزیرخزانہ سینیٹراسحاق ڈار آکھیا ہے جو پاکستان اچ کسٹمز دے عمل کوںعالمی معیار دے مطابق بنڑاونڑسانگے اقدامات دا سلسلہ جاری ہے۔انہاں اے گالھ پاکستان دے دورے تے آئے ورلڈ کسٹمزآرگنائزیشن دے سیکرٹری جنرل کونیوموماکوریا نال منگل کوں اتھاں ملاقات اچ آکھی ۔وزیر خزانہ ورلڈ کسٹمزآرگنائزیشن دے سیکرٹری جنرل کوں ڈسایا جو سرحدی وعلاقائی تجارت اچ سہولتاںڈیونڑ دے حوالے نال وی اقدامات کیتے ویندے پے ہن ۔ملاقات اچ پاکستان اتے ورلڈ کسٹمزآرگنائزیشن وچال تعلقات اتے رابطے کوں ودھارا ڈیونڑ دے معاہدے تے اتفاق کیتا گیا۔ ورلڈ کسٹمزآرگنائزیشن دے سیکرٹری جنرل ڈسایا جو موجودہ حکومت ولوں کسٹمز دے نظام کو ں چنگاں بنڑاونڑ دے اقدامات واضح اتے متاثر کن ہن۔انہاں پاکستان اچ کسٹمز اتے راہداری دے عمل کوں چنگاں بنڑاونڑ اچ پاکستان دے نال پورے تعاون دا یقین ڈوایا ۔وزیراعظم دے معاون خصوصی محصولات ہارون اخترخان، چیئرمین ایف بی آر طارق محمودپاشا اتے وزارت خزانہ دے بئے سینئر حکام وی ایں موقع تے موجود ہن۔
