اسلام آباد ۔ 10جولائی (اے پی پی) قومی اقتصادی کونسل کی انتظامی کمیٹی (ایکنک) ارباں روپے دی لاگت دے مختلف وفاقی اتے صوبائی ترقیاتی منصوبیاں دی منظوری ڈے ڈتی۔ ایکنک دا اجلاس وفاقی وزیر خزانہ سینیٹر اسحاق ڈار دی صدارت اچ تھیا۔اجلاس اچ کوٹوہائیڈرو پاور پراجیکٹ بارے تجویز دا جائزہ گھندیں ہوئیں اوندی دی 13 ارب 99 کروڑ 88 لکھ روپے دی نظر ثانی شدہ لاگت نال منظوری ڈتی۔ منصوبے دے تحت 40.8 میگاواٹ دے کوٹو ہائیڈرو پاور سٹیشن دی تعمیر کیتی ویسی۔ پشاور سسٹین ایبل بس ریپڈ ٹرانزٹ کوریڈور پراجیکٹ دی 49 ارب 34 کروڑ 60لکھ روپے دی منظوری ڈے ڈتی۔منصوبے اچ25.8کلومیٹر لمبی 2رویہ سگنل فری بس ریپڈ ٹرانزٹ کوریڈوراتے32اسٹیشناں دی تعمیر شامل اے۔۔ ایکنک سندھ سانگے 19 ارب 28 کروڑ 90 لکھ روپے دی لاگت نال پبلک پرائیویٹ پارٹنر شپ (پروینشل سپورٹ) ودھاونڑ دی منظوری ڈتی اے۔ ایکنک ’ خیبر پختونخوا اچ 13 ارب 92 کروڑ 66 لکھ روپے دی نظرثانی شدہ لاگت دے نال خیبر پختونخوا چ ہیلتھ سروسز ڈیلیوری کوں یکجا کرنڑ دی منظوری ڈتی اے۔اینویں ایکنک پنجاب اچ آب پاشی تے زراعت دی بہتری سانگے 67 ارب 45 کروڑ 90 لکھ روپے دی نظر ثانی شدہ لاگت نال پنجاب ایری گیٹڈ ایگریکلچر پروڈکٹویٹی امپروومنٹ پراجیکٹ دی وی منظوری ڈے ڈتی اے۔
