اسلام آباد ۔ 14 جولائی (اے پی پی) وزیر خزانہ سینیٹر اسحاق ڈاردی صدارت اچ پاکستان ایئر فورس دی مالی لوڑھ بارے معاملیاں دا جائزہ اجلاس تھیا۔وائس چیف آف ایئر سٹاف ایئر مارشل اسد لودھی،وفاقی وزیر کوں پاک فضائیہ دے جاری اتے نویں منصوبیاں دے مالی پہلواں بارے بریفنگ ڈتی۔انہاں ایں منصوبیاں تے عملدرآمد دے شیڈول بارے وی ڈسایا۔ایں موقع تے وفاقی وزیر آکھیا جو حکومت پاک فضائیہ سمیت مسلح فوج کوں ملک تے قوم دے دفاع تے سلامتی بارے ذمہ واریاں نبھاونڑ سانگے وسائل دی فراہمی کوں ترجیح ڈیندی اے۔
