اسلام آباد۔ 07 جولائی (اے پی پی) وزیر داخلہ چوہدری نثار علی خان نال جمعہ کوں فیس بک دے نائب صدر جوئیل کیپلان ملاقات کیتی جئیں اچ ایجھے توہین آمیز اتے گستاخانہ مواد کوںہٹاونڑ بارے گالھ مہاڑ کیتی گئی ہئی جیڑھا جو پاکستان اچ غیر قنونی اے۔وزیر داخلہ اے ملاقات سوشل میڈیا توں گستاخانہ مواد کوں ہٹاونڑ اتے ایں بارے اقدامات دے سلسلہ دی کڑی اے۔فیس بک آپنڑے پلیٹ فارم کوں محفوظ بنڑاونڑ اتے آپنڑی کمیونٹی دے معیار دے مطابق اقدار کوں فروغ ڈیونڑ سانگے عزم دا اعادہ کیتا۔فیس بک دے نائب صدر جعلی اکاﺅنٹس ختم کرنڑ،گستاخانہ مواد کوں ہٹاونڑ دا وہ وعدہ کیتا جیڑھا جو دہشت گردی اتے تشدد تے اکسیندے۔وزارت داخلہ دے ترجمان ملاقات دی تفصیلات بارے ڈسیندیں ہوئیں ڈسایا جو اے پہلا موقع اے جو فیس بک دی گلوبل پبلک پالیسی بارے فیس بک انتظامیہ دے سینئر ممبر پاکستان دا دورہ کیتے جئیں اچ سوشل میڈیا خصوصی طور فیس بک ،جئیں دے پاکستان اچ ایں ویلھے 33،؛ہم استعمال کرنڑ آلے ہن ،دے غلط استعمال اتے ایں نال گستاخانہ اتے توہین آمیز مواد دے معاملے تے بحث کیتی گئی اے۔
