وزیر مملکت برائے اطلاعات، نشریات وقومی ورثہ مریم اورنگزیب دی سپریم کورٹ دے باہر صحافیاں نال گالھ مہاڑ

اسلام آباد۔ 20 جولائی (اے پی پی)وزیر مملکت برائے اطلاعات، نشریات تے قومی ورثہ مریم اورنگزیب آکھیا جو عدالت توثیق کیتی اے جو وزیراعظم محمدنواز شریف آپنڑے کہیں دور اچ اختیارات دا غلط استعمال کائنی کیتا،انہاں تے کہیں دور اچ اقتدار اچ کرپشن دا کوئی الزام کائنی،منی لانڈرنگ،پاکستان دی عوام دا پیشہ چوری اتے اثاثے لگاونڑ دے الزام لاونڑ آلے اج کیڑھے الزامات ت کھڑے ہن ،مخالفین خےبر پختونخواہ اچ احتساب ادارے دا تالا کھول کراہیں آپنڑے منہ کوں لاون،وزیراعظم محمد نواز شریف اتے شریف فیملی سپریم کورٹ اچ وی سرخرو تھیسی۔وزیراعظم دے خلاف مقدمہ کرپشن دانی اقتدار دی ہوس اتے کُوڑ دا اے،میکوں بنی گالہ اچ بیٹھے ہک بندے دی ذہنی حالت تے تشویش اے او روزآپنڑے کُوڑ نال قوم کوں گمراہ کریندے۔وزیر مملکت مریم اورنگزیب خمیس کوں سپریم کورٹ دے باہر صحافیاں نال گالھ مہاڑ کریندی پئی ہن ۔انہاں آکھیا جو درخواست گزار وزیراعظم دے خلاف اے الزامات گھن کراہیں سپریم کورٹ اچ آیا ہئی جو وزیراعظم منی لانڈرنگ کیتی اے ،پاکستان دی عوام دا پیشہ چوری کیتے اتے آپنڑے اثاثے لکائن ۔انہاں آکھیا جو مخالفین پانامہ کیس کوں سیاسی بیساکھی دے طور استعمال کرنڑدی کوشش کریندے پئن ۔