لاہور۔7 جولائی (اے پی پی )وزیر مملکت برائے نیشنل ہیلتھ سروسز،ریگولیشنز و کوآرڈینیشن سائرہ افضل تارڑ آکھیا جو گزریل ترائے سالیں اچ ڈرگ ریگولیشنز بارے کیتی ونجنڑ آلی اصلاحات دی وجہ نال پاکستانی فارماسیوٹیکل مصنوعات دی ایکسپورٹ اچ بہوں بہتری آئی ،ملک دی تریخ اچ پہلی واری دوائیں دے پیکش تے بارکوڈ متعارف کروائے ویندے پئن جئیں نال ملکی برآمدات کوں ودھارا ملسی،او جمعہ کوں اتھاں مقامی ہوٹل اچ فارماسیوٹیکل ایکسپورٹ سیمیناردی صدارت کریندی پئی ہن ۔ایں موقع تے صوبائی وزیر خواجہ عمران نذیراتے بئی شخصیات وی موجود ہن ،سائرہ افضل تارڑ آکھای جو نیشنل فارماسیوٹیکل انڈسٹری ،ڈرگ ریگولیٹری اتھارٹی اتے وزارت نیشنل ہیلتھ سروسز دی40ملکاں کوں معیاری دوائیں دی ایکسپورٹ اتے گھریلو سطح تے دوائیں دی لوڑھ کوں پورا کرنڑ سانگے اہم پارٹنر اے،انہاں آکھیا جو اگرچہ موجودہ حکومت کوں کئی مسئلے ورثے اچ ملین جڈانجو حکومت چینلنجز نال نبڑنڑ سانگے کئی رکاوٹاں کوں دور کرے۔
