اسلام آباد ۔ 13 جولائی (اے پی پی) وزیر مملکت کیڈ ڈاکٹر طارق فضل چوہدری پنجاب پولیس کالج سہالہ اچ نینگراں دی پاسنگ آﺅٹ تقریب اچ مہمان خصوصی دے طور تے شرکت کیتی۔ تقریب اچ ٹریننگ اچ چنگی کا کردگی ڈکھاونڑ آلے نینگراں اچ شیلڈ تے سنداں ونڈیاں ۔ پولیس جواناں ملک توں دہشت گردی، جرائم، بدامنی اتے وطن دشمن عناصر دے خاتمے اتے عوام دی خدمت دا حلف چاتا۔ تقریب اچ اپنڑے خطاب اچ وزیر مملکت آکھیا جو پولیس دے نینگراں تے افسراں اپنڑے وطن دی حفاظت اتے ملک اچ امن دے قیام سانگے اپنڑیاں جاناں دا نذرانہ پیش کرنڑ توں کڈاہیں وی پرے کائنی تھے ۔اساں پولیس دیاں قربانیاں کوں سلام پیش کریندوں ۔انہاں آکھیا جو انتظامی سطح تے وزیراعلیٰ پنجاب شہباز شریف صوبے اچ تھانڑاں کلچر دی تبدیلی تے شفافیت سانگے بہوں سانگے اقدامات کیتے ہن جیں نال تھانڑیں اچ فرنٹ ڈیسک دا قیام ، پولیس توں شکایات دے ازالے سانگے سی پی او اچ آئی ٹی بیسڈ 8787 پولیس شکایت سینٹر دا قیام، پولیس ملازماں دے کمپیوٹرائزڈ ڈیٹا دی تیاری، پولیس ریکارڈ مینجمنٹ سسٹم دااجرائ، کرائم ریکارڈ مینجمنٹ سسٹم داقیام شامل ہن۔ وزیر مملکت آکھیا جو موجودہ دور اچ دنیا اچ پولیسنگ اچ جدید تکنیک متعارف کرائی ویندی پئی ہے ۔ ڈاکٹر طارق فضل آکھیا جو پولیس کالج اچ سڑکاں دی تعمیر، صاف پانڑیں تے پلانٹ دی تنصیب اتے کالج سٹیڈیم اچ کرسیاں دی فراہمی اچ تعاون فراہم کریسوں۔
