وفاقی مذہبی امور سردار محمد یوسف دا علماءتے مشائخ کانفرنس” توںخطاب

حکومت ملک اچ قیام امن سانگے مذہبی فرقیں تے بین المذاہب ہم آہنگی دے حوالے نال اپنڑیاں ذمے واریاں پوریاں کریسن،آرمی چیف وزیر اعظم دی ہدایت تے پارا چنار دا دورہ کیتا
اسلام آباد ۔ 3 جولائی (اے پی پی) وفاقی مذہبی امور سردار محمد یوسف آکھیا جو ملک اچ قیام امن سانگے سارے مذہبی فرقیں اتے بین المذاہب ہم آہنگی دے حوالے نال حکومت اپنڑیاں ذمے واریاں پوریاں کریسی ۔ سنوار کوںاتھاںمقامی ہوٹل اچ وزارت مذہبی امور دے زیر انتظام “بین المذاہب ہم آہنگی اتے رواداری دے ودھارے دے موضوع تے قومی علماتے مشائخ کانفرنس” توں خطاب کریندے ہوئیں انہاں آکھیا جو پاکستان اساں ساریں دا ملک ہے اتھاں قیام امن حکومت دی اولین ترجیح ہے اتے ایں سلسلے اچ مختلف مکاتب فکر ، فرقیں اتے بین المذاہب ہم آہنگی پیدا کرنڑ دے حوالے نال حکومت اپنڑاں کردار ادا کریندی پئی ہے ۔ مسلمان ہو وے یا غیر مسلم ساریں دا تحفظ ریاست دی ذمے واری ہے ۔ پاکستان دے آئین دے تحت غیر مسلماں کوں تحفظ حاصل ہے، اساں ساریں کوں چاہیدا ہے جو دینی احکامات تے آئین دے تحت اپنڑیاں ذمے واریاںپوریاں کروں ۔ انہاں آکھیا جو پارا چنار سمیت ملک دے بے حصیں اچ تفرقہ پیدا کرنڑ سانگے سازشاں تھیندیاں پیا ں ہن ۔حکومت اتے پاک فوج اپریشن ضرب عضب اتے رد الفساد دے ذریعے اپنڑاں کردار ادا کریندی پئی ہے ۔ آرمی چیف جنرل قمر جاوید باجوہ وزیر اعظم دی ہدایت تے پارا چنار دا دورہ کیتا ہے ۔ وزیر مملکت مذہبی امور پیر امین الحسنات شاہ ایں موقع تے خطاب کریندے ہوئیں آکھیا جو فوج اتے حکومت سانجھے مشورے نال اگی تے ودھدے پن ڈوہیں ہک صفحے تے ہن ۔ وزیر مذہبی امور سردار محمد یوسف تجویز ڈتی جومختلف مکاتب فکر نال تعلق رکھنڑ آلے پنج علمائے کرام تے مشتمل ہک کمیٹی قائم کیتی ونجے جیرھی جو کہیںوی واقعے دی صورت اچ وختی ایکشن اچ آوے تے ملک اچ جتھاں ضرورت ہووے اتھاں ایندا اجلاس کیتا ونجے ۔