اسلام آباد۔ 27 جولائی (اے پی پی) وفاقی وزیر خزانہ سینیٹر اسحاق ڈار آکھیا جو اجوکی حکومت شفاف تے گڈ گورنس اتے بدعنوانی دے خاتمے سانگے پر عزم اے،ایں بارے پاکساتن سانگے اوپن گورنمنٹ پارٹنر شپ اچ شمولےت اہم اے،سارے شراکت رل کراہیں قابل عمل نیشنل ایکشن پلان تیار کریسن۔او خمیس کوں اتھاں اوپن گورنمنٹ پارٹنر شپ (او جی پی) بارے تھیونڑ آلی قومی ورکشاپ دی افتتاحی تقریب توں خطاب کریندے پئے ہن۔ او جی پی دے سفیر اتے بانی رکن فلورینسیو بچ اباد، ڈپٹی چیف ایگزیکٹو آفیسر او جی پی جو پاول، ڈی ایف آئی ڈی دی سربراہ جوانا ریڈ، سیکرٹری خزانہ، سفارتکاراں، ترقیاتی شراکت داراں، صوبائی حکومتاں اتے سول سوسائٹی دے نمائندے شریک تھےے۔وفاقی وزیرآکھیا جو پاکستان او جی پی دے بنیادی اصولاںبارے پر عزم اے،اساں رضاکارانہ طور او جی پی اچ شمولےت اختیار کیتی اے۔انہاں آکھیا جو اجوکی حکومت شفافےت تے گڈ گورنس دے ودھارے اتے بدعنوانی دے خاتمے سانگے پر عزم اے۔
