اسلام آباد۔ 07 جولائی (اے پی پی) وفاقی وزیر منصوبہ بندی تے ترقیات احسن اقبال آکھیا جو پاکستان دی معیشت کوں دنیا اچ کامیاب آکھیا ویندا پئے ،ترائے سالیں اچ 10ہزار میگاواٹ ریکارڈ بجلی پیدا کیتی ،دہشت گردی دی چیل بھن ڈتی اے،، پاکستان سائنس اینڈ ٹیکنالوجی اچ وی ترقی کریندا پئے ،نینگر اساڈا مستقبل ہن ،عوام کوں جے آئی ٹی نال کوئی دلچسپی کائنی ،میڈیا آپنڑاں کردار ذمہ واری نال نبھاوے۔او جمعہ کوں پاکستان سائنس فاﺅنڈیشن اتے وزارت منصوبہ بندی تے ترقیات دے تعاون نال موبائل سائنس لیبزدی سائنس فاﺅنڈیشن اچ افتتاحی تقریب توں خطاب کریندے پئے ہن ۔ایں موقع تے وزیر مملکت تعلیم و پیشہ وارانہ تربیت انجینئر بلیغ الرحمن اتے وفاقی وزیر سائنس، ٹیکنالوجی و دفاعی پیداوار رانا تنویر وی موجود ہن ۔
