جے آئی ٹی دی رپورٹ اساڈے ذاتی کاروبار بارے اچ مفروضیں، الزامات اتے بہتانیں دا مجموعہ ہے،اساڈے خاندان سیاست توں کمایا کجھ کائنی ونجایا بہوں کجھ ہے ،اتھاں ارباں دے منصوبے لگدے پن لیکن کوئی بدعنوانی ثابت کائنی تھی، جمہوریت فروش سازشی ٹولے دے آکھنڑ تے استعفیٰ ڈے ڈیواں؟ اﷲ دے فضل و کرم نال میڈے ضمیر تے کوئی بوجھ کائنی، وقت آونڑ تے سارے راز کھل ویسن ،او وقت زیادہ پرے کائنی جو تعمیر تے ترقی دے سفر کو ںڈی ریل کائناں تھیونڑ ڈیسوں، پاکستان ماضی اچ انہاں تماشیں دی بہوں باری قیمت ادا کر چکیا ہے اے سلسلہ ہنڑ بند تھیونڑاں چاہیدا ہے ، وزیراعظم محمد نواز شریف
اسلام آباد ۔ 13 جولائی (اے پی پی) وزیراعظم محمد نواز شریف مستعفی نہ تھیونڑ دا ڈو ٹوک اعلان کیتا ہے جیں دا کابینہ ارکان زبردست خیرمقدم کریندے ہوئیں انہاں دے فیصلے دی توثیق کیتی ہے ۔ وفاقی کابینہ دا اجلاس خمیس کوں وزیراعظم محمد نواز شریف دی زیر صدارت اتھاں وزیراعظم آفس اچ تھیا۔ وزیراعظم آکھیا جو جمہوریت فروش سازشی ٹولے دے آکھنڑ تے استعفیٰ ڈے ڈیوان؟ اﷲ دے فضل نال میڈے ضمیر تے کوئی بوجھ کائنی۔ مسلم لیگ (ن) استعفے دا مطالبہ کرنڑ آلیں دے مجموعی ووٹاں توں ودھ ووٹ گھدے ہن ۔وفاقی کابینہ وزیراعظم دے مستعفی نہ تھیونڑ دے ڈوٹوک اعلان دا زبردست خیر مقدم کیتا ،ارکان ڈیسک وجا تے فیصلے دی توچیق کیتی ۔وزیراعظم آکھیا جو جے آئی ٹی دی رپورٹ اساڈے ذاتی کاروبار بارے مفروضیں ،الزامات تے بہتانیں دا مجموعہ ہے ،اساڈے خاندان سیاست توں کمایا کجھ وی کائنی بلکہ ونجایا ہے ۔انہاں آکھیا جو اتھاں ارباں روپے دے منصوبے لگدے پے ہن لیکن کوئی وی بد عنوانی ثابت کائنی تھی ۔وزیراعظم آکھیا جو چار سال اچ اساں تعمیر تے ترقی دا اتنا کم کیتا جیرھا کئی سالاں اچ نہ تھیا ۔انہاں آکھیا جو ولا اندھارے کوں اپنڑیاں وستیاں کارخانے دا رخ کائناں تھیونڑ ڈیسوں ۔انہاں آکھیا جو جمہوریت فروش سازشی ٹولے دے آکھنڑ تے استعفیٰ ڈے ڈیوان ۔اللہ دے فضل نال میڈے ضمیر تے کوئی وی بوجھ کائنی ۔1985توں گھن تے اج تئیں 32سالاں دے دوران ہک پیسے دی خرد برد کیتی ہووے تاں ڈساﺅ تساں اے الزام تئیں کائنی لا سگدے ،وزیر اعظم آکھیا جو وقت آونڑ تے سارے راز کھل ویسن او وقت پرے کائنی ،وزیراعظم آکھیا جو تعمیر تے ترقی دے سفر کوں ڈی ریل کائناں تھیونڑ ڈیسوں ۔پاکستان ماضی اچ انہاں تماشیں دی ودھ ساری قیمت ادا کر چکیا ہے اے سلسلہ بند تھیونڑاں چاہیدا ہے ۔
