پاکستان اچ ہر بندے کوں انفرادی تے مذہبی آزادی حاصل ہے ،سارے چیلنج دے باوجود کڈاہیں انسنی حقوق دے تحفظ تے سمجھوتہ کائنی کیتا گیا ،وفاقی وزیر انسانی حقوق سینیٹر کامران مائیکل

اسلام آباد ۔ 20 جولائی (اے پی پی) وفاقی وزیر انسانی حقوق سینیٹر کامران مائیکل آکھیا ہے جوپاکستان اچ ہر بندے کوں انفرادی تے مذہبی آزادی حاصل ہے۔تے سارے مذہب دے لوک بغیر کہیں ڈر دے اپنڑیاں مذہبی رسماں ادا کرسگدے ہن ،رنگ تے نسل تے مذہب توںہک پاسے تھی تے انسانی حقوق دی پاسداری کرنڑ پاکستان دا وطیرہ رہیا ہے ۔اساں ہک عرصے توں قدرتی آفات خاص طور تے دہشت گردی دی جنگ لڑدے آیوں لیکن سارے چیلنج دے باوجود پاکستان کڈاہیں وی انسانی حقوق دے تحفظ تے سمجھوتہ کائنی کیتا ،خمیس کوں اے پی پی نال گالھ مہاڑکریندے ہوئیں وفاقی وزیر انسانی حقوق آکھیا جو موجودہ حکومت وزیراعظم محمد نواز شریف دے وژن تے عملدرآمد کریندے ہوئیں پاکستان اچ انسانی حقوق دے تحفظ کوں یقینی بنڑاونڑ دانگے چنگیاں کوششاں کیتیاں ہن ۔ ایں سلسلے اچ ہک کڑی فروری 2016اچ انسانی حقوق دے حوالے نال تاریخی نیشنل ایکشن پلان دا قیام ہے جیں نال سول سوسائٹی سمیت مختلف شعبہ ہائے زندگی دے لوکاں دی حمایت حاصل تھی ۔ انسانی حقوق دے حوالے نال نیشنل کمیشن دا قیام عمل اچ لاتا گیا جیں کوں مئی 2015اچ فعال کیتا گیا جیں دا مقصد پسماندہ اتے پسے ہوئے لوکاں دے حقوق دے تحفظ کو ںیقینی بنڑاونڑ سانگے عملی اقدامات کرنڑیں ہن ایں گالھ کوں یقینی بنڑاونڑاں ہے جو سارے ایجھے لوکاں جیرھے جو مختلف انسانی حقو ق دیاں خلاف ورزیاں دا شکار تھے ہن انہاں کوں وختی انصاف ڈتاونجے