پاکستان مسلم لیگ ن دے رہنماءطلال چوہدری دا انٹرویو

اسلام آباد ۔ 23 جولائی (اے پی پی)پاکستان مسلم لیگ ن دے رہنماءطلال چوہدری آکھیا جو تحریک انصاف دے سربراہ عمران خان عدالت اچ آپنڑے فلیٹس بارے منی ٹریل ڈیونڑ اچ ناکام تھی گئن ،خیبرپختوانخواہ اچ پی ٹی آئی دی حکومت احتساب دے ادارے کوں بند کر ڈتے،عمران خان منفی ہتھکنڈیاں نال اقتدار تے قبضہ کرنڑ دی کوشش کریندے پئن۔انہاں آکھیا جو وزیراعظم اتے عمران خان دا موازنہ ایں لحاظ نال صحیح کائنا ہوسی جو وزیراعظم خود کوں احتساب سانگے پیش کر ڈتا ہئی اتے عدالت عظمیٰ اتے جے آئی ٹی ٹیم دے سامنڑے ساری مصدقہ ثبوت پیش کیتے جڈانجو عمران خان عدالت دے سامنڑے منی ٹریل ڈیونڑ اچ ناکام تھی گئن ۔