پاک فوج خیبر ایجنسی اچ آپریشن خیبر 4اچ وڈیا کامیابیاں حاصل کیتیاں ہن ، پاک افغان سرحد دے نیڑے علاقے کوں دہشت گرداں توں خالی کروا گھدے ، آئی ایس پی آر

راولپنڈی ۔ 22 جولائی (اے پی پی) پاک فوج خیبر ایجنسی اچ پریشن خیبر 4اچ وڈیا ں کامیابیاں حاصل کیتیاں ہن ، پاک افغان سرحد دے نیڑے علاقے کوں دہشت گرداں توں خالی کرواگھدا گئے ، پاک فوج 12ہزار فٹ اوچی چوٹی بریخ محمد کنڈائو تے چیک پوسٹاں بنڑا گھدیاں ہن ، بہوں سارے دہشت گرد ہلاک ،کجھ ہک افغانستان بھج گئے ہن ۔ چھنڑ چھنڑ کوں آئی ایس پی آر ولوں جاری ہک پریس ریلیز دے مطابق آپریشن خیبر 4دے دوران پاک افغان سرحد اُتے ساریاں توں اوچی اہم چوکی اُتے قبضہ کر گھدا گئے اتے چیک پوسٹ بنڑاڈتی گئی ہے ۔ کارروائی دے دوران کئی دہشت گرد ہلاک تھی گئے جڈانجو کجھ بچ ونجنڑآلے افغانستان بھج گئے ہن ، وڈی تعداد اچ اسلحہ ، گولہ بارود اتے بارودی سرنگاں قبضے اچ گھن گھدیاں گئن ۔ آئی ایس پی آر دے مطابق اے اوچی چوٹی نگرانی اتے اسلحہ کٹھاں کرنڑ سانگے استعمال تھیندی ہئی۔ دہشت گرداں چوٹی اُتے قبضہ برقرار رکھنڑکیتے بہوں ساری مزاحمت کیتی جڈانجو پاک فوج دے عزم تے حوصلہ پاروں دہشت گرد قبضہ برقرار رکھنڑ اچ ناکام تھی گئے ہن ۔ سپیشل سروسز گروپ دی بھرپور کارروائی اچ ودھ سارے دہشت گرد ہلاک تھئے ہن ۔