اسلام آباد ۔ 10 جولائی (اے پی پی) چیئرمین سینیٹ میا ں رضاربانی چمن خود کش دھماکے دی ودھ ساری مذمت کریندے ہوئیں آکھیا ہے جو دہشت گردکہیں وی رعایت دے مستحق کائنی، او انسانیت دے ناں تے بدنما داغ ہن۔ میاں رضاربانی آکھیا جو انسانیت دشمناں دی بزدلانہ کارروائیاں قوم دے عزم کوں غیر متزلزل نی کر سگدیاں۔ میاں رضاربانی شہیدتھیونڑ آلے ایس پی پولیس اتے نینگر سانگے دعا مغفرت اتے غم زدہ خانداناں سانگے صبر جمیل دی دعا کیتی ۔ ڈپٹی چیئرمین سینیٹ مولانا عبدالغفور حیدری ،سینیٹ اچ قائد ایوان راجہ محمد ظفرالحق ، قائد حزب اختلاف چوہدری اعتزاز احسن وی چمن خود کش دھماکے دی پرزور الفاظ اچ مذمت کیتی ہے ۔ اپنڑے انجھ انجھ تعزیتی پیغامات اچ اینکوںبزدلانہ فعل قرار ڈتا ۔انہاں ایں واقعے اچ شہید تھیونڑ آلے لوکاںسانگے اللہ تعالیٰ توں دعاکیتی جو اللہ تعالیٰ مرحوماں کوں اپنڑی جواررحمت اچ جاہ ڈیوے تے ڈکھی ٹبر کوں صبر ڈیوے ۔
