چین پاکستان اقتصادی راہداری منصوبہ ملکی معیشت دے استحکام اتے صنعتی ترقی اچ مددڈیسی ، وفاقی وزیر سردار محمد یوسف

اسلام آباد ۔ یکم جولائی (اے پی پی) مذہبی امور دے وفاقی وزیر سردار محمد یوسف آکھے جو چین پاکستان اقتصادی راہداری (سی پیک ) منصوبہ ملکی معیشت دے استحکام اتے صنعتی ترقی اچ مددڈیسی ۔ آپنڑیںہک بیا ن اچ انہاں آکھے جو سی پیک دی تکمیل نال نہ صرف ملک اچ اقتصادی سرگرمیاں کوں ودھارا ملسی جڈانجو ایندے نال 2020ءتئیں پاکستان دا شمار دنیا دی تیزی نال ترقی کرنڑآلیاں معیشتاں اچ وی تھیسی ۔ انہا ں آکھیا جو حکومت سی پیک دے تحت ملک دے مختلف علاقیاں اچ کئی ترقیاتی منصوبے شروع کیتے ہن جنہاں اچوں مخصوص صنعتی تے اقتصادی زونز ، توانائی پیدا کرنڑاتے بنیادی ڈھانچے دے کئی وڈے منصوبے شامل ہن جنہاں دے پورے تھیونڑ نال ملک اچ تجارتی تے کاروباری اتے صنعتی سرگرمیاں کوں ودھارا ملسی ۔