اسلام آباد ۔ 2 جولائی (اے پی پی) حکومت سرکاری شعبے دے ترقیاتی پروگرام دے تحت گزریل مالی سال 2016-17ء اچ جون 2017ء تئیں نیشنل ہائی وے اتھارٹی دے منصوبیاں کیتے ہک کھرب 15 ارب 67 کروڑ روپے جاری کیتے ۔ سرکاری ذرائع اتوار کوں اے پی پی کوں ڈسایا جو ہکلہ۔ڈی آئی خان موٹروے دی 16 ارب 35 کروڑ دی تخصیص اچوں ہنڑ تئیں ایں منصوبے کیتے 15 ارب 40 کروڑ روپے جاری کیتے گئے ہن ۔ ایں توں علاوہ زمین مُل گھننڑ ، متاثرہ جائیداداں دے معاوضیاں دی مد اچ ہک ارب 50 کروڑ روپے جاری کیتے گئے ہن ۔ ذرائع ڈسایا جو ہوشاب۔ناگ۔بسیما ۔سوراب ہائی وے کوں چوڑا کرنڑ اتے ایندی بہتری کیتے 4 ارب 50 کروڑ روپے رکھے گئے ہن جیہڑے جو جاری کیتے گئے ہن ۔ تھاکوٹ۔حویلیاں ایکسپریس وے 118 کلو میٹر دی تعمیر کیتے 10 کروڑ روپے جاری کیتے گئے ہن ، جڈانجو ایں منصوبے دی تعمیر کیتے زمین دی خریداری کیتے 2 ارب 20 کروڑ روپے جاری کیتے گئے ہن جڈانجو برہان۔حویلیاں ایکسپریس وے (ای۔35) دی تعمیر کیتے ہک ارب 50 کروڑ روپے جاری کیتے گئے ہن ۔ ذرائع دا بیا ڈساونڑ ہئی جو سیالکوٹ۔لاہور موٹروے کیتے 9 ارب روپے جاری کیتے گئے ہن جڈانجو زمین دی خریداری کیتے وی 5 ارب روپے جاری کیتے گئے ہن ۔ ذرائع ڈسایا جو سی پیک دے بسیماخضدار حصے دی تعمیر کیتے 31 کروڑ روپے، ایں طرح کراچی۔پشاور موٹروے دے لہور۔عبدالحکیم حصے کیتے 50 ارب روپے وی جاری کیتے گئے ہن ، جڈانجو ضلع دیر تئیں سڑک دے ذریعے آسان رسائی سانگے لواری ٹنل دی ویلے سر تکمیل کوں یقینی بنڑاونڑ کیتے پی ایس ڈی پی دے تحت 5 ارب روپے جاری کیتے گئے ہن۔
