اسلام آباد ۔ 15جولائی (اے پی پی)ہکلا ڈیرہ اسماعیل خان 285کلو میٹر لمبی ایکسپریس وے دی تعمیر دا کم تیزی نال جاری ہے اتے منصوبہ 2018ء دے آخر اچ پورا تھیسی ویسی ۔ نیشنل ہائی وے اتھارٹی دے ترجمان کاشف زمان چھنڑ چھنڑ کوں اتھاں اے پی پی کوں ڈسایا جو اے منصوبہ چین پاکستان اقتصادی راہداری دے مغربی روٹ دا حصہ ہے جیندے تے 129ارب روپے لاگت امسی ۔ ترجمان آکھیا جو منصوبے دی ویلھے سر تکمیل کوں یقینی بنڑاونڑ کیتے منصوبے اُتے کم کوں 5حصیاں اچ تقسیم کیتا گئے ۔ پہلا مرحلہ پارک ، رحمانی خیل تے مشتمل ہے۔ جیندا تعمیراتی ٹھیکہ میسرز این ایل سی کوں ڈتا گئے جیندے اُتے 21فیصد کم پورا تھی گئے ۔ ایں حصے تے 13ارب 25کروڑ 70لکھ روپے لاگت امسی ۔ڈوجھا حصہ رحمانی خیل ، میانوالی 65کلو میٹر حصہ تے مشتمل ہے جیندے کیتے زمین دی خریداری دا عمل جاری ہے ۔ تریجھا حصہ میانوالی توں شروع تھی تے ضلع اٹک اچ انجرا دے نیڑے تارپ دے مقام تئیں ویندے جیندا ٹھیکہ ایف ڈبلیو او کو ں ڈتا گئے ۔ ایں حصے تے 20ارب 62کروڑ 90لکھ روپے لاگت امسی ۔ ایں منصوبے تے 8فیصد کم تھی گئے ۔ چوتھے حصے اچ تارپ توں پنڈی گھیپ 62کلو میٹر دا حصہ ہے ۔جیندے تے 17فیصد کم تھی گئے اتے ریلوے تے 21ارب 38کروڑ 60لکھ روپے لاگت امسی ، ایندا ٹھیکہ لیماک زیڈ کے بی جے وی کمپنی کوں دتا گئے ۔ پنجویں حصے اچ 63کلو میٹر پنڈی گھیپ توں پکلہ انٹر چینج دا حصہ شامل ہے اتے ٹھیکہ وی لیماک زیڈ کے بی جے وی کمپنی کوں ڈتا گئے جیندے اُتے 16فیصد کم پورا تھی گئے ۔ 285کلو میٹر دے ایکسپریس وے دا اے منصوبہ 11انٹر چینجز ، 19فلائی اوورز، (6لائن)، 15پل ، 4لین، 74انڈر پاسز ، 259چھوٹے پل اتے 3وڈے دریاوا ں اُتے پل (6لین) شامل ہن ۔
