راولپنڈی ۔ 7 اگست (اے پی پی) بری فوج دے سربراہ جنرل قمر جاوید باجوہ آکھیا جو قومی اداریاں نال رل تے دہشت گرداں کوں ہریسوں،آئین اتے قانون دی بالادستی ہر صورت برقرار رہسی۔او سنوار کوں 203ویں کور کمانڈر کانفرنس نال خطاب کریندے پئے ہن ۔پاک فوج دے شعبہ تعلقات عامہ(آئی ایس پی آر ) دے مطابق 203ویں کورکمانڈر کانفرنس آرمی چیف جنرل قمر جاوید باجوہ دی زیر صدارت جی ایچ کیو راولپنڈی اچ تھئی۔فورم داخلی اتے خارجی سکیورٹی دا جائزی گھدا۔فورم علاقائی سکیورٹی خصوصی طور افغانستان دی صورتحال دا جائزہ اتے علاقائی امن تے سلامتی سانگے آپنڑاں کردار جاری رکھنڑ دا عزم کیتا۔آرمی چیف آکھیا جو اساں اےں بارے اعتماد تے مبنی تعاون چاہندوں جیڑھا جو علاقائی امن دی پالیسی دے نتےجے حاصل کر سگدے۔کور کمانڈر کانفرنس کوں لائن آف کنٹرول دی تازی ترین صورتحال بارے بریفنگ ڈتی گئی۔