منتخب نمائندے اپنڑاں کردار چنگے انداز نال ادا کرن ،جاری ترقی تے منصوبیں دی وختی توں وختی تکمیل یقینی بنڑائی ونجے
اسلام آباد ۔ 28 اگست (اے پی پی) وزیراعظم شاہد خاقان عباسی آکھیا ہے جو عوام دے مسئلے دے حل سانگے منتخب نمائندے اپنڑاں کردار چنگے انداز اچ ادا رکرن جڈاں جو ترقی دے منصوبیں دی وختی توں وختی تکمیل یقینی بنڑائی ونجے ۔انہاں اے گالھ راولپنڈی ڈویژن نال تعلق رکھنڑ آلے مسلم لیگ ن دے قومی اسمبلی دے رکناں نال گالھ مہاڑ کریندے ہوئیں آکھی ۔جنہاں سنوار کوں انہاں نال ملاقات کیتی ۔وزیراعظم آفس توں جاری بیان دے مطابق ارکان قومی اسمبلی وزیر اعظم کو ںاپنڑے حلقے دے ترقیاتی تے تے عوامی فلاحی منصوبیں بارے ڈسایا ۔ ملاقات کرنڑ آلے وفد اچ ارکان قومی اسمبلی ملک ابرار احمد، ملک اعتبار خان، سردار ممتاز خان، چوہدری خادم حسین، نوابزادہ راجہ مطلوب مہدی، اسفن یار بھنڈارا، مسز طاہرہ اورنگزیب، نگہت پروین ، مسز آسیہ ناز تنولی، مسز سیما محی الدین جمیلی، مسز فرحانہ قمر، مسز عفت لیاقت اتے مسز زہرہ ودود فاطمی شامل ہن۔ ایں موقع تے وزیر پارلیمانی امور شیخ آفتاب احمد اتے سینئر حکام وی موجود ہن۔