اقوام متحدہ ۔ 30 اگست (اے پی پی) پاکستان اقوام متحدہ دی قیام امن مشنز دتے چنگے نفاذ اتے اہداف دے حصول سانگے انہاں مشن اچ کم کرنڑ آلی فوج کوں پورے وسائل دی فراہمی تے زور ڈتا ہے ۔اے گالھ قوام متحدہ اچ پاکستان دی مستقبل مندوب ڈاکٹر ملیحہ لودھی اقوام متحدہ دی سلامتی کونسل توں خطاب کریندے ہوئیں آکھی ۔ڈاکٹر ملیحہ لودھی اپنڑے خطاب اچ آکھیا ہے جو دنیا دے مختلف حصے اچ قیام امن سانگے اقوام متحدہ دے امن مشن دے اہداف کوں حاصل کرنڑ سانگے ضروری ہے جو انہاں کوں سارے وسائل ڈتے ونجن تے انہاں دیاں کاروائیاں زمینی حقائق دے مطابق تھیونڑیاں چاہیدیاں ہن ۔انہاں آکھیا جو وسائل دی گھٹکی دی وجہ توں انہاں مشن اچ کم کرنڑ آلی فوج کوں اہداف دے حصول تے اقوام متحدہ دے مینڈیٹ کوں چنگے اندازاچ نافذ کرنڑ اچ اوکھ دا سامنڑاں کر نڑاں پے سگدا ہے ۔انہاں آکھیا جو پاکستان عالمی ادارے دے پیس کیپنگ اپریشن اچ کلیدی کردار ادا کریندا پیا ہے پاکستان دا ایں حوالے نال گزریل چھی سالاں دا تجربہ اپنڑے تجربے دی روشنی اچ اساں آکھ سگدوں جو عالمی ادارے انہاں آپشن کوں چنگے انداز دے نال نال این فورسز دی فراہمی تے توجہ ڈیونڑیں چاہیدی ہے انہاں آپشن کوں لچکدا ر ہوونڑاں چاہیدا ہے ۔
