صدر، وزیراعظم ، چیئرمین اتے ڈپٹی چیئرمین سینیٹ ، وفاقی وزیراں تے ، وزرائے اعلیٰ ،صوبائی وزیراں تے ممبراں قومی تے صوبائی اسمبلی حلقے دا دورہ کائناں کر سگسن
اسلام آباد ۔ 2 اگست (اے پی پی) الیکشن کمیشن قومی اسمبلی دے حلقہ این اے 120لاہور اچ تھیونڑ آلے ضمنی انتخاب سانگے ضابطہ اخلا ق جاری کر ڈتا ہے ،وفاقی تے صوبائی سطح تے اعلیٰ عہدیں تے فائز حکام ریاستی وسائل ضمنی انتخاب اچ استعمال کائناں کر سگسن ۔انتخابی شیڈول دے بعد حلقہ کوئی تقرر یا تبادلہ کائناں کیتا ویسی ،صدر وزیراعظم چیئر مین تے ڈپٹی چیئر مین ،سینیٹ ،وفاقی وزیراں تے وزائے اعلیٰ ،گورنر تے صوبائی وزیراں تے ایڈوائزر دے علاوہ ممبران قومی تے صوبائی اسمبلی حلقے دا دورہ کائناں کر سگسن ۔امید وار ولوں انتخابی مہم دے دوران 15لکھ توں ودھ خرچہ کائناں کر سگسی ۔اے سیٹ سابق وزیراعظم نواز شریف دے خلاف سپریم کورٹ دے فیصلے دے بعد خالی تھی ہے جیں تے ضمنی انتخاب سانگے پولنگ 17ستمبر کوں تھیسی ۔
