راولپنڈی ۔ 14 اگست (اے پی پی) بری فوج دے سربراہ جنرل قمر جاوید باجوہ نے پیر کوں کنٹرول لائن تے اگلے مورچاں دا دورہ کیتا۔ پاک فوج دے شعبہ تعلقات عامہ (آئی ایس پی آر) دی طرفوں جاری بیان دے مطابق ایں موقع تے آرمی چیف کوں بھارتی فوج دی طرفوں کنٹرول لائن تے جنگ بندی دی غیر معمولی خلاف ورزیاں اچ اضافہ اتے پاکستانی فوج دے مو¿ثر جواب دے بارے اچ آگاہ کیتا گیا۔ آرمی چیف کوں ڈسایا گیا جو پاک فوج دی پیشہ وارانہ اقداراتوں کنٹرول لائن دے نیڑے سویلین آبادی کو ںنشانہ بنڑاون دے بھارتی فوج دی طرح دے اقدام دا جواب ڈیونڑ توں روکیندی اے ۔ آرمی چیف نے آکھیا جو بھارتی فوج دا ظلم و ستم مقبوضہ کشمیر دے بہادر کشمیریاںدیاں قربانیاں اتے جذبے کوں ختم نی کرسگدا۔ انہاں نے آکھیا جو جبرو استبداد دے خلاف کشمیریاں دی جدوجہد اچ اساںانہاں دے نال رہسوں۔ قبل ازیں اگلے مورچاں تے پجڑن تے کو کمانڈ راولپنڈی لیفٹیننٹ ندیم رضا نے آرمی چیف دا استقبال کیتا۔
