حج 2017 فلائٹ اپریشن ہفتے کوں پورا کر گھدا ویسی ، وزارت مذہبی امور

اسلام آباد ۔ 24 اگست (اے پی پی) حج 2017 سانگے فلائٹ اپریشن(کل)ہفتے کوں پورا کر گھدا ویسی ۔ وزارت مذہبی امور دے مطابق سارے ملک توں سرکاری اتے پرائیویٹ سکیماں دے تحت عازمین حج کو ںحجاز مقدس پجاونڑ دا کم چنگے طریقے نال جاری ہے ۔اجوکے سال ہک لکھ 79ہزار 210پاکستان سرکاری تے پرائیویٹ سکیم دے تحت فریضہ حج ادا کریسن ۔حجاز مقدس اچ پاکستانی حاجیاں سانگے رہائش ،کھاونڑ پیونڑ تے آمد و رفت سانگے بہترین انتظامات کیتے گے ہن ۔سعودی عرب پجنڑ آلے عازمین حج وزارت مذہبی امور ولوں کیتے ونجنڑ آلے اقدامات تے اطمینان دا اظہار کیتا ہے ۔سارے پاکستانی حاجی مکہ توں منی تے منی توں واپسی سانگے ٹرین دی سہولت توں فائدہ چا سگدے ہن ۔توقع ہے جو حج 2017گزریل سال دے مقابلے توں کتھائیں ودھ تے بہتر ہوسی ۔حج دے بعد حاجیاں دی وطن واپسی سانگے فلائٹ اپریشن 6ستمبر توں شروع تھی تے 5اکتوبر 2017تئیں جاری رہ ویسی ۔