اسلام آباد ۔ 24 اگست (اے پی پی) چےن پاکستان اقتصاد ی راہداری منصوبے دے پہلے مرحلے اچ بجلی تے سڑکاں دے شعبے اچ جاری منصوبیں تے 30ہزار توں ودھ پاکستانی انجینئر ز تے وزکرر کم کریندے پن ۔2015توں 2030تئیں مقامی لوکاں کوں 8لکھ توں ودھ ملازمتاں مل ویسن ۔پلاننگ کمیشن دے حکام دے مطابق پہلے مرحلے اچ بجلی ،سڑکاں تے بئے شعبے اچ جاری سی پیک منصوبے تے 30ہزار توں ودھ پاکستانی انجینئر ز کم کریندے پن انہاں دے اعداد شمار نال ایندے تاثر دی نفی تھیندی ہے جو سی پیک منصوبے تے صرف چینی انجینئرز کوں ملازمتاں ڈتیاں گیاں ہن ،واضح رہے جو سی پیک منصوبیں تے کم کرنڑ آلے چینی شہریاں دی تعداد 8ہزار ہے تے اے تعداد اوسط 25فیصد تئیں محدود رہی ہے ۔مختلف اداریں ولوں جاری کیتے ونجنڑ آلے جائزیں اچ آکھیا ویندا پیا ہے جو سی پیک دے مختلف مرحلے اچ میگا پراجیکٹس دی شروعات پاروں پاکستانیاں سانگے لکھاں دی تعداد اچ ملازمتاں دے نویں موقع پیدا تھیسن۔
