صدر مملکت ممنون حسین دا جناح کنونشن سینٹر اچ یوم آزادی دی تقریب توں خطاب

APP02-14 ISLAMABAD: August 14 - President Mamnoon Hussain addressing on the occasion of Flag Hoisting Ceremony to mark the 70th Independence Day of Pakistan at Convention Center. Prime Minister Shahid Khaqan Abbasi, Chinese Vice Premier of the State Council H.E Wang Yang, Federal Ministers and Services Chiefs are also present on the occasion. APP

اسلام آباد ۔ 14 اگست (اے پی پی) وطنِ عزیز کوں درپیش چیلنجاںتوں نمٹڑن کیتے غیرجذباتی طریقے نال مسائل دا جائزہ گھن تے ملک اچ اعتدال اتے معقولیت کوں فروغ ڈتا ونجے، ملک دی ترقی و خوشحالی کیتے اساںسارے اختلافات بھلاتے ہک ڈوجھے دے دست و بازو بنڑ ونجوں تے اپنڑے دامن توں نفرتاں اتے بدگمانیاں کوں جھاڑتے اخلاص و محبت کوں فروغ ڈیوں ،جیڑھیاں قوماں خوشی اتے مسّرت دے لمحات اچ اپنڑے مقاصد کوں نگاواں توں اوجھل نی تھیونڑ ڈیندیاں، انہاں دا حال ماضی توں بہتر اتے مستقبل تابناک تھی ویندے ۔یوم آزادی دا تہوار ایں طرح دی صورتحال اچ غور و فکر دا موقع ہی نی فراہم کریندے بلکہ انہاں دے حل واسطے وی راہیں سجیندن ۔ایں خیالات دا اظہار انہاں نے سوموار کوں جناح کنونشن سینٹر اچ ملک دے 70ویں یوم آزادی دی تقریب توں خطاب کریندے ہوئے کیتا ۔صدر ممنون حسین قومی پرچم لہرایا ۔تقریب اچ وزیر اعظم شاہد خاقان عباسی ،نائب وزیر اعظم عوامی جمہوریہ چین وونگ یینگ،چیئر مین سینیٹ رضا ربانی اتے اسپیکر قومی اسمبلی سردار ایاز صادق ،وزرائے کرام ،اراکین پارلیمان ،مسلح افواج دے سربراہان طلباءو طالبات سمیت زندگی توں مختلف شعباں توں واسطہ رکھن اے لوکاں نے شرکت کیتی۔ایں موقع تے صدر مملکت نے آکھیا جو تھوڑی دیر پہلے اساں ساریاں نے رل تے اپنڑاں سبز ہلالی پرچم فضا اچ بلند کیتے ۔وطن عزیز دی آزاد فضاواں اچ اوڈدا ہویا اے پرچم تحریک آزادی دی ولولہ انگیز داستان وی بیان کریندے ۔اتے گزشتہ 7دہائیاں تے مشتمل تحریک استحکام پاکستان اتے تعمیر پاکستان دے کٹھن مراحل دی کہانی وی سنڑیندے ۔انہاں آکھیا جو ایں پرچم تے جگمگیندے ہوئے چندر ستارے دی روشنی اہل وطن دی خوشیاں دی مظہر اتے کاروان ترقی و کمال دی رہبر اے ۔انہاں نے دعا کیتی جو اے سبز ہلالی پرچم ہمیشہ واسطے سربلند رہے ،عز م و ہمت دا اے قابلہ سخت جاں اپنڑی منزل دی طرف چلدا رہے اتے سرزمین پاک تے رہن الے ہر ذی روح دی خوشیاں اتے راحتاں کوں دوام ملے ۔انہاں نے آکھیا جو اج دا ڈینہہ ایں اعتبار توں وی یاد گار اے جو اساڈی خوشیاں کوں دوبالا کرنڑ کیتے اساڈے عظیم دوست اتے ہمسائے چین دا اعلیٰ سطح دا وفد ایں تقریب اچ شریک اے ۔صدر نے حکومت پاکستان اتے پاکستانی عوام دی طرفوں وفد دے سربراہ اتے عوامی جمہوریہ چین دے نائب وزیر اعظم جناب وونگ یینگ دا خیر مقدم کریندے ہوئے آکھیا جو تقریب اچ انہاں دی شرکت ایں حقیقت دا ناقابل تردید ثبوت اے جو ڈوہاں ملکاں تمام عالمی اتے علاقائی امور تے یکساں نکتہ نظر رکھیندن ۔اساں سمجھدوں جو پاک چین تعاون نہ صرف باہمی ترقی اتے خوشحالی کیتے اہم اے بلکہ خطے اچ امن اتے توازن دی ضمانت وی فراہم کریندے ۔انہاں نے آکھیاج و خوشی اتے جوش وجذبے دے وفود اچ اے پرچم سربلند کرتے ،کاروان عزم و ہمت کوں ہمیشہ رواں دواں رکھنڑ دا عظم اتے تعمیر پاکستان دے عہد دی تجدید کریندے ہوئے مسرت جذبات دے نال اساڈے دل و دماغ اچ بعض خدشات وی سر چیندے ہوئے محسوس تھیندن ۔بعض بزرگ سوال کریندن جو کیا اسادی محنت تے جدوجہد رائیگاں گی جبکہ اساڈے بال اپنڑے مستقبل دے بارے اچ پریشانی محسوس کریندے ۔ انہاں نے آکھیا جو قومی مستقبل دے بارے اچ فکر انگیزی اتے تشویش اچھی گالھ اے پر مایوسی ٹھیک کینی کیونجوکہیں وڈے عزم دے نال سفر دا ارادہ باندہن الی قوم اپڑیں مشکلات تے قابو پاونڑ اچ ہمیشہ کامیاب رہندن۔ معاصر دنیا اچ مفادات دے ٹکراﺅ اتے دیگرداخلی و خارجی مشکلات انہاں دی راہ اچ حائل نی تھی سگدیاں اتے نہ او ایں طرح دے حالات اچ زمینی حقائق توں چشم پوشی کرتے مسائل دے حل تے ایں نتیجے اچ خوشحالی اتے مقاصد دی آرزو اچ بے صبری دا مظاہرہ کریندن۔ایندے برعکس او حالات دی اونچ نیچ توں گھبراونڑ دے بجائے معاملات کوں انہاں دی فطری رفتار نال چلنڑ ڈیندن ۔ایں طرح دی مایوسی دا اندھارا امید دی روشنی اچ بدل ویندے ۔صدر نے نوجواناں کو نصیحت کریندے ہوئے آکھیا جو او ذہنی گندگی دا شکار تھی تے منزل توں پرے رہن دے بجائے دانش مندی دا مظاہرہ کرتے قومی مقاصد دی تکمیل دا ذریعہ بنڑ ونجن ۔انہاں نے مزید آکھیا جو قومی مقاصد دے حصول دا ڈوجہا اصول اے ہے جو نصب العین دے تعین اتے ایندے حصول کیتے اختیار ات کیتے گئے طریقہ کار توں کڈاہیں وی احراف نہ کیتا ونجے ۔ایندی ابتدا اساکوں اپنڑی نجی زندگی نال کرنڑاں چاہیدے کیو نجو زندگی دے چھوٹے موٹے معاملات اچ اصول پسندی تے قانون دا احترام ترقی اتے توانائی عطا کریندے جیں دی وجہ توں عظیم الشان کارنامے انجام ڈتے ونج سگدن ۔تحریک آزادی اتے قیام پاکستان توں گھن تے ہنڑ تک حالات دا باریک بینی نال جائزہ گھدا ونجے تاں اے حقیقت واضح تھی ویندی اے جو اساڈی قوم دا مزاج بنیادی طور تے جمہوری اتے پارلیمانی اے جیں تو او بارہا اپنڑے اعتماد دا اظہار کرچکی اے ۔انہاں نے آکھیا جو ریاست اتے نظام ریاست دے استحاکم دا ررستہ وی ایں رویے نال نکلسے ۔اپنڑے خطاب دے آخر اچ صدر ممنون حسین نے آکھیا جو ایں ملک دی ترقی و خوشحالی واسطے اساں سارے اختلافات بھلا تے ہک ڈوجھے دے دست و بازور بنڑ ونجوں اتے اپنے دامن توں نفرتاں اتے بد گمانیاں کوں جھاڑ تے اخلاص و محبت کو فروغ ڈیووں اتے مایوسی دے اندھارے کوں امید دی روشنی اچ بدل تے اپنڑی قوم کا مستقبل محفوظ بنڑاﺅں تاکہ اساں اپنڑے وطن اچ آزادی دی حقیقی خوشیاں منا سگوں ۔انہاں نے آکھیا جو میکوں یقین اے کہ میڈی قوم ،خاص طور تے میڈے نوجوان پتر اتے دھیریں اپنڑیں اے قومی ذمہ داری ایں خوبی نال ادا کریسن جو تاریخ انہاں کو چنگے الفاظ نال یاد کرن ۔اپنڑے خطاب دے آخر اچ ملک دی ترقی ،استحکام اتے خوشحالی واسطے دعا وی کیتی گی ۔