ریاض ۔ 29 اگست (اے پی پی) سعودی عرب دی وزارت صحت عازمین حج کوں آکھیا ہے جو او مناسک حج دی ادائیگی دے دوران ماسک دا استعمال کرن ۔ عرب نیوز دے مطابق سعودی وزارت صحت ولوںجاری خصوصی ہدایات اچ آکھیا گیا ہے جو حجاج کرام مناسک حج تے سعودی عرب اچ قیام دے دوران جسمانی صفائی دےے نال نال ماسک دا استعمال کرن ۔ ہتھ پانڑیں، صابن یا صفائی سانگے مخصوص سیال مادے نال دھوونڑ دی پابندی کرن۔ خصوصاً نچھ یا کھنگ دے بعد ہتھ دھوونڑ دا ودھ سارا خیال رکھن تاں جو کہیں قسم دے وائرس توں محفوظ رہن ۔
