اسلام آباد ۔ 15 اگست (اے پی پی) وزیر اعظم شاہد خاقان عباسی آکھیا ہے جو وفاق دے زیر انتظام قبائلی علاقہ جات ( فاٹا)اچ تعمیری تبدیلی حکومت دی ترجیح ہے اتے اساں فاٹا کوں بے وفاقی اکائیاں دے برابرگھن آونڑ چاہندوں، سارے سماجی شعبے اچ فاٹا دے رہائشیاں نال ہکو جیہا سلوک یقینی بنڑایا ویسی ۔ انہا ں اے گالھ فاٹا نال تعلق رکھنڑ آلے ارکان سینیٹ نال گالھ مہاڑ کریندے ہوئیں آکھی ۔ منگل کو ںوزیر اعظم آفس اچ انہاں نال ملاقات کرنڑ آلے سینیٹرز اچ ہدایت اللہ ، حاجی مومن خان آفریدی ، اورنگزیب خان ، ہلال الرحمن، سجاد حسین طوری، محمد صالح شاہ ، تاج محمد آفریدی اتے ملک نجم الحسن شامل ہن۔ فاٹا دے سینیٹرز وزیر اعظم شاہد خاقان عباسی کوں وزارت عظمیٰ دامنصب سنبھالنڑ تے مبارخ وی ڈتی۔
